طبعاً في كثير يستغربون ولد يعرف يطبخ

في مشكلة

بس المشكلة ان امي وجدتي هوايتهم الطبخ عشان كذا تعلمت منهم

طبعاً اليوم جايب لكم طريقة سهلة في تحضير كيكة الجلكسي

تسويها وتاكلها في ثلاث ساعات فقط

أولاً: الأدوات

على حسب القالب إذا كان كبر شاشة الكمبيوتر وهذا المتعارف حجمه
فالمقادير مالتالي:


1- ثلاث حبات ثلاث أعواد ثلاث الي تسمونهم المهم ثلاث جلكسي من الي سعرهم بريالين يعني بتدفع 6 ريال عشانهم

2- علبتين بسكويت شاي من الحجم الكبير وثلاث بكون افضل احتياطا

3- قشطة معلبة بوك أو ندى أي قشطة بس لا تنسون معلبة الي ما تنتهي مدتها الا بعد زمن طويل

4- حليب عادي

6- قالب الكيك الي مثل ما قلنا حجم شاشة الكمبيوتر

7- طاسة عشان نحط فيها الحليب

8- جدر صغير

9- مقلاة

ثانياً : طريقة التحظير

1- تعبي نص المقلاة بالماي
2 تحط الجدر بوسط المقلاة
3- تاخذ الجلكسي تشيل قطعة وحدة وتحطها على جنب والباقي تحطه في الجدر
وانتظر الجلكسي لين ما يذوب وحركه عشان يذوب بسرعة
4- في الفترة الي قاعد يذوب فيها الجلكسي في الجدر انت اعمل الآتي
....... صب الحليب في الطاسة
بعدين خذ قطع البسكويت وخمسها في الحليب وصفها في القالب
5- إذا خلصت من الطبقة الأولى في القالب خذ الجلكسي الذايب بملعقة ونزل شوي على البسكويت ووزعه في كل مكان
6-خمس البسكويت في الحليب وسوي الطبقة الثانية
7- حط شوي من الجلكسي الذايب على الطبقة الثانية من البسكويت ووزعه
8- سوي نفس رقم 6 ، بالعادة تكون من ثلاث طبقات إذا بغيت أزيد اشتر عدد أكبر من الجلكسي والبسكويت
9-حط باقي الجلكسي كله عالطبقة الأخيرة ووزعه بحيث ما يظهر البسكويت تحته
10- قطعة البسكويت الي شلتها على جنب طلعها وسحقها أو قشرها فوق الجلكسي على حسب المصطلح الي تستعمله
11- غلف القالب بورق النايلون الشفاف وحطوه في الثلاجة مدة 1 أو أكثر

وبعدين بيصير بين ايدينك كيكة جلكسي شهية جاهزة للأكل

معليش طولت عليكم لكن لمن تسوونها ما راح تشوفنها بهذي المدة
لأني سويتها من قبل
خذت وقت في كتابة الموضوع أكثر من تحظيرها في الواقع