(((مااااااااااني بخير)))

[align=center]

ياناشد(ن) عني ترى مانـي بخيـر
من صرخة(ن) بالعمر يسمع صداها
اونس بقلبـي مثـل دق المساميـر
من واهج(ن) بالقلب حالـي براهـا
هم(ن) يكسر خافي الروح تكسيـر
وهم(ن) جرح قلبي وكبـدي كواهـا
هم(ن) خذا عقلي بكثـر التفاكيـر
والروح من همي صعيب(ن) دواهـا
بالبال اصور فرحة العمر تصويـر
واثر الخيال اللـي بعقلـي بناهـا
صار السعادة والحزن طعمهم غيـر
عندي تساوى مرهـا مـع حلاهـا
وش جابني صوبك غير المقاديـر
ارجوك نفسـي لا تخيـب رجاهـا
مودتـك صـارت لقلبـي محاسيـر
ارفق بحال(ن) منك قـرب عزاهـا
ماخفت من يوم(ن) تدور التداويـر
تشهد جروح(ن) منك تاخذ جزاهـا
قبلك ترى مادامـت لسالـم الزيـر
دنيا دنيـه صعـب تلحـق مداهـا
يالله يامعبـود والــي المقـاديـر
ياعالم (ن) سـر العبـاد وخفاهـا
انك تحقـق مطلبـي دون تقصيـر
وتلطف بروح(ن) ماتحقـق مناهـا
روح(ن) شكت ظيم الليالي المعاسير
سـود الليالـي عالـم الله خفاهـا
وختامها جعل خالد في مصف الهوامير
واسمي مجازف في كتابتي علاها
وسلامتكم ..[/align]

صحّ لسانكّ يالغلآّ ...

وٍإنّ شـاءّ آلـاـهّ نشوٍفّ المزٍيد

صح ابدنك طال عمرك

واتمنى اني قد وفقت في هذه القصيده

وانتظروا مني الميزد ان شاء الله

اي واللـه وفقت

ومشكوور على كلامك الحوو مثلك

صح السانك يا شيخ