من اي الاعضاء انت ؟؟؟ قيم نفسك بالمنتدى !!!

من اي الاعضاء انت؟؟؟ قيم نفسك في المنتدى
هذي نوعية الاعضاء من وجهة نظر شخصية بحته وقد تكون هذه النظرة صحيحة وقد تكون خاطئة هذي هي الأقرب


عضو صامت : وهذه النوعية من الاعضاء هي التي تعمل ولكن بصمت تام [[ يعني سكتم بكتم ]] ومحد يدري عن أشغالها وأعمالها إلا القليل جداً جداً .. ودائما تتحاشى ذكر أعمالها وإنجازاتها ..


عضو شغيل : وهذه النوعية شغيلة بمعنى الكلمة يعني إذا بغيت شئ منا وإلا منا لا تدور غيرهم يشتغلون في أي شئ يطلب منهم وخدوم وما يقصر .. وحتى لو بغيت شغلة من منتدى ثاني تلقاه من زود الحماس يقولك أبشر [[ يعني لياقه ما شاء الله ]]


عضو فلته : وهذه النوعية تلقاها فلته في كل شئ ما شاء الله يعني ما تسأله عن شئ إلا وهو معطيك الحل الصحيح .. ولا تنشده عن شئ إلا وهو جايبه لك .. ولا توصيه على شئ إلا وهو مصلحه لك وحارص عليه أكثر منك .. [[ الفرق بين النوعية هذي واللي قبلها أن اللي قبل ما يفتي في كل شئ أما هذي النوعية بتاااااااااع كله ]]


عضو نشبه : وهذه النوعية تجدها دائماً [[ تنشب بالمواضيع أو المنتدى ]] يعني مسنتر بأحد المواضيع أكثر من راعي الموضوع نفسه ويرد ويشكر ويتفلسف في موضوع مهوب له .. وإلا تلقاه 48 ساعة في الـ 24 ساعة بالمنتدى ومسنتر فيه ولا يتعداه بس سنتره مهيب لم سنع


عضو مشكور : هذي النوعية هي اللي تلقاها حاطه لها مسنتد خاص على سطح المكتب ما فيه إلا كلمة مشكور سابقاً والحين أضافوا عليها مشكور ويعطيك العافية [[ جت الإضافة عشان يقبل الرد لأن من تالي الرد ما يقبل عدد قليلة من الحروف فربعنا بلشوا وقالوا مالنا إلا هالزيادة والشكوى على الله ]] ومن يوم يدخل النت وهو فاتح المسنتد وناسخ الكلام وهاتك يا ردود كل ما يفتح موضوع ينزل تحت وعلى طول ينسخ الكلام ويمشي تلقاه في 15 دقيقة راد على صفحتين من المنتدى ..


عضو إحتياطي : هذي النوعية تلقاها عند أهل التوقيف [[ الناصرية وإلا الحاير ]] يعني كل ما توقف العضو الأصلي تلقاه يشغل العضوهذا واللي حاطه للأوقات الصعبة .. يعني يقول توقفوني وإلا ما توقفني مشارك يا إدارة المنتدى مشارك واللي ما تطولونه بيدينكم طولوه برجلينكم <<< الخبره تلعب دووووور


عضو إنتحاري : وهذي النوعية تلقاها عند أهل المشاكل يعني الواحد إذا بغى يسوي مشكلة أو بغى يتلاقط هو ويا واحد من المنتدى وماوده يتجلاد هو وياه بالعضو الأصلي تلقاه يطلع [[ فيزه للعضو هذا ]] عشان إذا تكمخ وإلا تصفق من أحد المشرفين وإلا من الإدارة وإلا من العضو هذاك لينه يطلع منها بأقل الخسائر


عضو شغب : وهذي النوعية تلقاها عند العرابجة اللي يجلسون آخر الفصل واللطمة ونوووم في الحصص .. هذي الاعضاءحقت الشغب ومحاولة قلب الحكم على أهل المنتدى وتحريض الشعب على الحكومة ومحاولة قلب الرأي العام


عضو شد لي وأقطع لك : هذي الاعضاء تلقاها ما ترد إلا على مواضيع اللي يردون عليهم يعني ترد علي أرد عليك تسفهني أسفهك لو أن موضوعك متميز ما علي منك رد وأرد << على وزن فك وأفك


عضوعلى شارعين : هذي العينة تلقى العضو واحد لكن إستخدام أكثر من شخص يعني العضو الواحد تلقاه أحياناً لشخصين وأحياناً لثلاثة وأحياناً لعزبة كاملة [[ يعني بالعربي متقاطين فيه ]] بس هالنوعية مفضوحه للإختلاف الإسلوووب وأحياناً عدم التنسيق يعني ما يتفقون على شئ محدد


عضو محبوب : هذي النوعية تلقاها محبوبة عند المواطنين [[ طبعاً مهوب مثل حب المشرفين وش نسوي حكم القوي على الضعيف ]] وأول ما ينزلون موضوع أنواع السرى [[ والخمسين ]] والطقاق عشان من يسبق على الرد وتلقى الموضوع يأخذ أكثر من أربع إلى خمس صفحات وكلها ردود ..


عضو مزاجي : هذي النوعية تلقاها تدخل النت ومعها كاس شاهي يمخمخ عليه وعلى المواضيع وإذا جاز له موضوع رد عليه ما جاز له والله لو تحبون السماء ما رد عليه وتلقاه ما يرد إلا على شئ جايز له بقوووه وإلا غيره لو وش ما يرد حتى لو كتب المشرف العام ما رد عليه دام الموضوع ما جاز له ..




عضوفي عالم ثاني : هالنوعية تعرفها من خلال ردودها ومواضيعها يعني تجي تلقى الموضوع شرق وهو غرب الموضوع يتكلم عن شئ وهو يرد على شئ ثاني ..



عضو زعووول : هالنوعية تلقاها مستلمة العالم ذب ومزح وكل شئ وإن مزحت معه زعل منك وإن ذبيت عليه زعل [[ طيب دامك تزعل ليه تمزح مع العالم ؟؟ ]]


عضو ** ثاني : هالنوعية داجه بمعنى الكلمة و لو تفتح مخه تلقاه فاضي [[ وإلا وش اللي يحدك تتشب ببنت وإلا برجال ]] تلقاه يقول محد يعطيني وجه وإلا إذا صرت بنت بلقى ردود علي وإلا تقول أخاف أنهم ما يتقبلون أسلوبي بحكم إني بنت وغيره من هالهرج اللي مهوب لم سنع


عضو إشاعات : هالنوعية هي اللي تكره الواحد بالنت يعني يجيك الواحد مرتفع ضغطه من فلان وإلا علان وإلا شئ يجيك يستلم هالضعيف المسيكين إشاعات وخذ يا نشر ويالله وعاد بعض الناس ما يحتاج إنك توصيه يملح ويبهر على السالفة من عنده من دون توصية ولا شئ


عضو يفرخ : هالنوعية من االاعضاء تفرخ [[ وش فيكم ؟؟ ]] يعني تلقاها أول ما يدخل المنتدى عضو وعقب مده بسيطة تلقاه ينافس بعدد عضواته يعني له أكثر من عضو ولا من زود الدلاخه يرقص بنفسه يرد ويمدح نفسه بأحد مواضيعه .. تلقى الموضوع عليه 10 ردود ستة من هالردود له هو لحاله يعني راد على نفسه ست مرات


عضو مغزلجي : هالنوعية تلقاها عند مواضيع البنات وخذ يا مدح وخذ يا كلام معسول [[ وتلقى الموضوع منقول ]] بس ما يمنع هالشئ من المدح بالبنية .....

بسم الله الرحمن الرحيم

اريج الغالية حياج الله

وشكرا على المرور الطيب.

والصراحة الحلوة ..

دمتي بود والف خير

مشكور اخوي على الموضوع ,, انا ايش ؟؟ ما حصلت شي يصلحلي !!

-----

اريج وسرب الصقور ,, ما شاء الله عليكم اثنينكم روعة بالمواضيع ..