| &&@@ لاخيال ولاحقيقة @@&&
| | |
لا خيال ولا حقيقه ولا شموخ ولا حطام ..!!
صافحت قلب الشقاوي وإحتوى ذود القصيد ..!!
إبتدت أسراب خيله تستثيره بالنظام ..!!
بين ذكرى بين عبره بين ناره والجليد ..!!
إرتعش حرفي وفكري ما وصل غير الغمام ..!!
وأبرقت كل السحايب وإصعقتني دون أحيد ..!!
ما يعيش الذل لكن وش يميتك يالغرام ..؟؟
وأنت ذايب وسط روحي من وريدي للوريد ..!!
أمتطي بك كل كوني كل كوني لك سلام ..!!
وتمتطي بي كل ما قبل في عذاب ٍ لي جديد ..!!
تستلذ بقتل روحي وينتخي بي الهيام ..!!
وأنتصر بك دون ما شعر وأصبح بنصرك شهيد ..!!
كن حبك إنكتب لي كالصلاه وكالصيام ..!!
من تركها ما كسب له غير نار ٍ ما تبيد ..!!
وأنتي كفَّرتِ المشاعر بالحلال وبالحرام ..!!
وإستجرتي في عذابك لين أهلكتي العضيد ..!!
ما بقى لي من ملامح كود حرفي والعظام ..!!
وبسمة ٍ ترثي ثغرها للقريب وللبعيد ..!!
يالحبيبه إسمعيني دام باقي لي كلام ..!!
وإفهمي صمت المشاعر ياللي في كوني فريد ..!!
البلا حبك أشوفه بزدياد ٍ كل عام ..!!
ما قويت الكره لحظه وإن كرهتك ما أجيد ..!!
لا تظني ببتعادك ناسي ٍ طير الحمام ..!!
مع وروده والرسايل و ( شوفتي لك يوم عيد ) ..!!
والله إني ما قويته ولا نسيته بالمنام ..!!
وإن نشدني عنك ِ طيرك جاوبه دمعي نشيد ..!!
صاحبك يا طير غافي بين قلبي والهيام ..!!
مير لا تنطر وصاله ولسؤالك لا تعيد ..!!
خلها بالقلب تسكن طفلة ٍ تهوى اللجام ..!!
وخلني أحفظ غلاها ومن غلاها أستفيد ..!!
شفت منها ضي يجلي كل ضي وكل ظلام ..!!
وكل قيد ٍ قد قتلني أفتخر به قيد قيد ..!!
مثلها نادر وجوده ولا على قلبي ملام ..!!
الملام إن خنت طيفه بين نفسي والعبيد ..!!
النجوم اللي بكونك لا غفى بدر التمام ..!!
وش يفيد النور فيها يا حمامه وش يفيد ..؟؟
آآآه يا مر الفراق اللي حكم لي بِ نعدام ..!!
وآآآه يا بُعده وصالك وآآآه يا كسر السديد ..!!
سطرت بعض القوافي عقب ما هالفكر هام ..!!
علَّها تلئم خفوق ٍ حطَّمه حظ ٍ مريد ..!!
وبالحطام اللي بدابي ينتهي بي بالختام ..!!
ودمع أقوى من شموخي إنتثر لك بالقصيد ..!! 
وسلامتــــــكم
ها وش رايكم بالقصيدة؟؟  |
| 
07-12-2006, 10:41 
