ضحكة حليمة

شاعر يدعى ماجد الخالدي ...يتغزل بضحكة حليمة بولند...

الطفل عاف المدرسة نط للسور
يدور أبلة تشبهك ياعظيمة

لاتعاتبين الطفل والطفل معذور
الحب ماهو موعظة مستقيمة

الحب لو مايقلب الحكم ويثور
أنا اشهد انه حب ماله حشيمة

في كل بلدة لك ضجة وجمهور
ماتختلف فيك العيون السليمة

وان كان بعض الناس شافوك ديكور
أنا أشوفك حالمة مثل غيمة

ياأكسجين الناس في كل العصور
انتي الخرافة في الأغاني القديمة

وانتي مرور الحب في بال عصفور
عصفور لكن ذكرياته أليمة

أش ذنب رجل ٍ ماخذ أربع من الحور
شافك على غفلة وطلق حريمة

وش ذنب شاعر يكتب بقلب مقهور
ترضين قلبه يستقر في جحيمه

بالأمس يامر لكن اليوم مأمور
كان الملك واليوم من غير قيمة

يسهر طوال الليل وينام مخمور
يحلم بعطرك ويتذكر نسيمه

شاعر وقبلك كان له جيش وقصور
لما انهزم ليه افتخر بالهزيمة

لاتفرحين ان قلت عاشق ومكسور
الحب أصبح في بلادي جريمة

مدينة تستقبلك تنبت زهور
ومدينة سافرتي عنها عقيمة

خمسة حروف الأرض من أجلها تدور
والقلب أبيض والملامح لئيمة

إذا كتب ربي وأصبحت دكتور
بدرس الطلاب ضحكة حليمة...

بسم الله الرمن الرحيم
اللهم صل على محمد و آل محمد
يعطيك العافيه أخو سونك على هذه الكلمات ..
هذا مجنون حليمة أجل هههه
مدري وش فيهم الناس ؟؟ وش شايف في حليمه زياده عن باقي البنات؟
عاشق الحق

هههههههههههههـآآي

لآ..شكلـه.الرجـآل.متيـّـم..

مـآلت.عليـه.بس..

الصراحة مو رايق
عشان كذا احسها بدون طعم