خساره كيف حبيتـــكــــ ............

كتبت الشعر مو لجلك ولكن فاض بي بركـان
واما انتي فلا تسوين قصيده فـي نظـر عينـي

حلفتي لي تصونيني إذا صـار الزمـن خـوان
وأول ما عثر حظي علـى دربـك خذلتينـي

كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتينـي

خسااااره كييف حبيت؟؟! نعـم والله ندمـان
غبي أدري نعم ادري ما دام انـك سكنتينـي

سنه من عمـري وانـا فـي لعبتـك غرقـان
أشيل الشوك من دربك وجرحي كان يدمينـي

وكنت أبكي إذا تبكي وأكون لبسمتك فرحان
وكنت اقرب من رموشك لعينك يوم تبغينـي

عرفتك للآسف صحراء وحولتك إلى بستـان
وشلتيني غصن أخضر وفي صخـرك زرعتينـي

حفرتك داخلي وظني تصوني عشرتـي أزمـان
وكنت أحفر قبر موتي على ساحـل شرايينـي

على كف الشقا نامت جروحي والألم سهـران
يحطمني .. يبعثرني .. وفـي صحـراك يرمينـي

ولكن عزتي تفرض أكـون بدنيتـي سلطـان
وإن ظنك أجي أركع لرجلك... مـا عرفتينـي

انا ما عادتي اشحذ من أمثالك رضا وإحسـان
امـوت بعزتـي ارحـم ولا ذلـك يغطينـي

وما دام الوفا عندك يدور لـه علـى عنـوان
بدور لي على قلب يصـون الحـب وسنينـي

ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي

ولو دار الزمن ضدك وجيتي تطلبـي الغفـران
وجبتي الشمس في كفك لـعندي..ما بتلقينـي

تقول الناس في وصفك:جميله مثل عود البـان
وإنك أجمل وأحلى بشر مخلـوق مـن طينـي

وإنك غالية وأثمن مـن الياقـوت والمرجـان
تقوم أكوان من أجلك وتقعد لـك بلادينـي

حساااااافه غرهم شكلك ويا ما تخدع الألوان
عموماً .. بقت كلمة أخيـرة لـك واسمعينـي

إذا كنتي بنظر غيري ملاك على هيئـة إنسـان
قسم بالله ما تسوي شعره مـن رمـش عينـي

بسم الله الرحجمن الرحيم
اللهم صل على محمد و آل محمد
يعطيك العافيه دمعة عمر على هذا النقل الرائع ..
كلمات رائعة و جميلة وفقك الله ..
ننتظر إبداعاتك
الحب الصادق

[align=center]بسم الله الرحمن الرحيم

يالــــــــــروعة حرفكـ
يالروعـــــــــة ابداعـكـ
ابداااااااااع مميز وراقي
الف شكر لكـ خيتوو
الله يعطيكـ العافية
بانتظااااار جديد قلمكـ

دمت في حفظ الرحمن[/align]

تسلم يمناك
مع خالص تقديري