قصــة مجنون ســارة قصــة رومـــانسية وحب لغــاية الــررررررررروعة

الجـــــــزء الثاني

**** وعيونها تدمع على ربيعتها : بس يا ريم عندج اخوج فهد الله يخليه لج.
ريم وتشوف **** وعيونها محمره من الصياح : فهد .. ههههههههههههه شو تنكتين فهد . فهد فهد؟؟
فهد يا **** هو نص ميت .فهد يا **** كان اكثر واحد متعلق في امايه الله يرحمها كان يموت فيها ويوم فقدته صارت له مرض نفسي لانه كان محتاج لحنانها وبعد ما خلص الثانويه سافر وكمل دراسته بالخارج عشان شوي ينسى .فهد يا **** اكثر واحد متعذب بس شو اقول انا .. ما عندناا حد يا **** ما عندنا حد ..وراحت حضنت **** وهي تصيح
**** وهي بعد تصيح : ريم انا وياج انا اختج وامي هي امج يا ريم .بس الله يخليج لا تصيحين اطلبيهم الرحمه هذا قضاء الله وقدره .
مسحت ريم دموعها وقالت ل**** : اسمحيلي يا **** يبتج هني وزدت همومج.
س**** : افا عليج يا ريمان .. اذا ما تشتكيلي انا بتشتكين لمنو ؟. انا يا ريم وربي اعتبرج اختي وحبيبتي وربيعة عمري
مسكت ريم يد **** وقالتلها : الله لا يحرمنا من بعض
ويالله نروح نتغدى تراني ميته يوووع .

واما في بنت فاطمه خالة **** :
ام **** : يالله اسمحولي بروح البيت .
فاطمه : تو الناس يا اختي
ام **** : أي تو الناس الحين الساعه 8 بروح اكيد غناتي **** في البيت .يالله من رخصتكم .
نوره : بحفظ الله يا خالتي وسلمي على **** وااااااااايد
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالج خص .
ودخل غرفته لان كان منقهر واااايد لان **** ما يت اليوم .

والساعه 11 مساء:
ام **** : ها **** شو ان شاء الله استانستي
**** : اكيد امايه استانست واااايد
ام **** : هي تذكرت بنات خالتج يسلمون عليج .
**** :الله يسلمهم .. امممممممم اكيد الحين معصبين علي لاني ما رحتلهم
ام **** : اكثر واااحد منقهر هو فار س الاحلام خالد.
وتمت الام تشوف **** من طرف عينها وهي تبتسم
و**** (وهي منزله راسها) .. ها شو أي أي أي أي خالد خالد
ام **** وهي تضحك " شو فيج قاعده تقولين حروف الهجاء
وتمو يضحكون .

ام خالد راحت عند ولدها تشوفه لان من راحت ام **** وهو ما طلع منها :
ام خالد : خالد خالد انت واعي ولا نايم
خالد وهو منسدح على السرير: هلا امي لا واعي تفضلي
ام خالد : بلاك يا ولدي شو فيك ليش متضايق ؟
خالد " ما تبيني اتضايق وانا قايلج تكلمين خالو سعاد .
ام خالد وهي تستعبط : أي سعاد ؟
خالد : امايه الله يخليج لا تستعبطين يعني منو سعاد تراج ما عندج الا اخت وحده سعاد ..
ام خالد :: هااااااااااااه قول ام حبيبة عمري ام القمر ام قلبي ****
خالد ويشوف امه وهو يضحك " هي ام حبيبتي ****
ام خالد : شوف خالد انا كنت بكلمها اليوم بس شفت الوقت غير مناسب لان الكل قاعد ويانا بس اوعدك عن جريب راح اكلمها ولا تزعل يا خلودي .
خالد : اكيد امايه .. الله يخليج بسرعه كلميها
ام خالد : يالله عليك شو كثر حناااااان قلت لك خلاص بكلمها يالله خلني اروح انام لاني تعبانه اليوم
خالد وهو في نفسه يقول (:ااااااااااااااااه يا امايه انا اللي تعبان من الحب)
وبعد هاليوم اتصلت ريم من الصبح حق **** و**** في سابع نومه

ريم تتصل فيها
ريم : الو *****ه *****ه
**** وهي معصبه لان مخربين نومها وبتعب تقول : الو منو ؟
ريم : منو يعني انا ريمان
**** : الله يهديج يا ريم تتصلين صباح الله خير في هالوقت
ريم : أي صباح الله خير الحين الساعه 11 قومي بسج رقاد
**** : شو تبين خلصيني والله فيه نوم
ريم :ساروه اليوم نحن معزومين على بيت قوم لطوف ربيعتنا وكل بنات للمدرسه بيروحون هناك يعني وناسه .
**** وفجأه نشت من المخده : والله صدق رووووعه يعني بنات المدرسه بيجتمعون صدق وناسه بنتذكر ايام المدرسه .ريم : هي والساعه 8 نكون هناك وانا ابي اروح عشان اشتري بدله حلوه لهالمناسبه لان الكل بيكون موجود ابي اتكشخ .
**** : ليش يا حلوه ما عندج بدله يعني
ريم : لا عندي طبعا بس ابي اشترلي بدله يديده .شو بتين وياي ولا ؟
**** : اكيد بيي ومره وحده اشترلي بعد
ريم : خلاص عيل تعالي بسرعه لا تنسين
**** : لا حبيبتي البارحه ما تغدين ويا امايه حرام ما تهون علي بيي العصر وبنتشرى اوكي .
ريم: خلاص حبيبتي اشوفج على خير بس تعالي بسرعه عشان نلحق اوكي بااااي
وسقرت **** من ريم وراحت عند امها تستشريها وطبعا الام وافقت .

(بيت فاطه خالة **** )
نوره : والله احس من زمان وما شفت بنت خالتي الغاليه **** .
هند وباستهزاااء : يعني شو من زمان من اسبوع كانت هني .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي من لازم ترتاحيلها اهم شي انا ارتاحلها انزين .
نوره : انزين انزين عفان الله بلاج شبيتي علينا تقولين انتي الاكبر مب كاني اكبر منج
هند وتأشر على صبعها : بسنه وحده اكبريعني ما شي فرق وايد
نوره : بسنه بشهر باسبوع المهم اكبر منج .خلا اروح اكلم **** احسن من مجابله ويهج .
هند وهي منقهره : روحي روحي وانا خلا اكلم منى احسن .
واتصلت هند في صديقتها منى . وصح كلام نوره لان منى من النوع المتكبر وايد وعليها سوالف وحركات .
هند : الو مرحبااااااااا
منى : مراحب يا هلا بهنود
هند : هلا فيج .شو وينج
منى : ويني بعد في البيت قاعده عالمسنجر
هند : انتي ما تملين من المسنجر
منى : لا والله وناسه بس انت يلو تجربين بتعرفين كيف .
هند : وين اجرب ما عندي مسنجر واصلا ما احب الكمبيوتر.
هند : لانج ما تعرفين شو داخل الانترنيت حبيبتي اذا تبين تحبين وتعيشين بالغرام يلسي عالانترنيت والمسنجر
هند وعلامه تعجب في ويها : والله كيف
منى : انتي تعالي بيتنا وبعلمج كل شي .
هند : والله زين خلاص الحين بقول حق امايه وبيي بيتكم اوكي
منى : اوكي يالله اترياج
وطبعا هند للاسف كانت ساذجه وما تعرف صديقتها منى شو تقصد بهالكلام .

اما ريم و**** راحو يتشرون عشان عزيمه اليوم . وهم يتشرون فجأه شافت ولد خالتها خــــــالد ومعاه صديقه محمد .
خالد وهو مستغرب ومبطل عيونه : محمد محمد مب هاي **** .
محمد : أي **** .؟
خالد : حبيبة القلب روحي وعمري قوم قوم خلا نروح هناك
محمد : الله يعينا على الفلم الهندي
وراح خالد ويا ربيعه محمد وخالد عيونه على **** :
خالد بصوت ونبرات كلها حب : انا احلم ولا اتخيل **** موجوده ؟
**** وهي منحرجه : هلا يا خالد شفت عاد الصدفه شو اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرج الحال يا بنت خالتي .ها شو تسوون هني
ريم ,وهي تشوفه بدلع وتقول: زين قلت شو تسوون زين جمعت قلت يمكن ما شفت غير **** .
وهني **** ضحكت برقه : وخالد استحى وقال : لا افا عليج يا ريم كيف انسى ريم صديقه **** المفضله
اما محمد فماكان يتكلم ولا كلمه لانه عيونه على عيون ريم ومتخبل عليها وساكت .ريم حست بنظرات محمد واستحت وااايد اول مره احد يشوفها بهالنظرات .
**** : شو اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها شو شو شو شو السالفه ؟
خالد : نحن اللي نسالك شو السالفه وين وصل تفكيرك
محمد يرمس شوي شوي ويقول لخالد : معاها معاها ما تشوف كيف حلوه ورقيقه
خالد : منو
محمد : منو بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
**** وهي مستغربه : بلاكم عن شو تتكلمون
خالد : هاا لا لا ما شي ما شي محمد يقول انه يوعان بيروح ياكله شي.
**** :ها خلاص عيل نحن نترخص عشان ما نتاخر اوكي يا ولد خالتي مع السلامه .
خالد : مع السلامه يا **** واشوفج على خير
محمد وعيونه على ريم : مع السلامه **** وووووو وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم

**** وهي ميته من الضحك
ريم وهي مستغربه على **** : شو فيج ليش تضحكين ؟
**** وهي مبتسمه : لا حبيبتي سلامتج بس تذكرت نظرات الولهان على بعض الناس .
وهني ريم فهمت شو تقصد وابتسمت : تصدقين *****ه . ما عرفت ان خالد عنده صديق بهالحلاه والجمال .
**** : طبعا لان خالد ما يمشي الا مع الحلوين مثله
ريم : خلي عنج هالرمسه وقومي نتشرى يالله


في بيت منى صديقه هــــــند:
منى : زين والله ييتي تعالي قعدي عندي براويج اشياء تخبل.
هند : والله شو هيه؟
منى : شوفي انا اكلم واحد عالمسنجر بس شو يموت فيه اتصدقين يحبني واي شي ابي ينفذلي.
هند : وانتي تصدقين انه يحبج حبيبتي هذا اكيد يقص عليج
منى : أي يقص علي اقولج يموت فيه بس انا مب بس اكلمه بالمسنجر اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى كيف ترضين على عمرج تغازلين .يمكن يقص عليج .
منى : والله انج فاضيه شو يقص علي اقولج يحبني وينفذلي كل شي وما انام الا بكلماته الحلوه والله حياتي صارت روعه وياه ..اااااااااه كيف احبه
هند وهي بعدها مستغربه : يعني صدق تحبينه يعني ما يقص عليج .
منى : اقولج احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه شو تبين خالد اخوي يذبحني .
منى : وهو اصلا شو عرفه .ما بيعرف عن شي انتي بس طيعيني وكلمي واحد وبتشوفين كيف حياتج بتتغير؟
هند: كيف ارمس واحد لا لا لا ما يستوي
منى : يالغبيه هاي بس فتره خطوبه بعدين هو بيتزوج صدقيني .
هند : ها مممممممممم يتزوجني مممممممم ماعرف خليني افكر
منى : فكري يا عمري وانا بعطيج رقم صديق اللي اكلمه الحين وبتشوفين كيف حياتج بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تتجذب على هند اللي بسهوله قصت عليها .


وبعد ما ردت **** وريم من السوق كانت الساعه تقريبا 6 مساء يعني ما تأخرو وايد وكان عندهم وقت عشان يتلبسون ويتمكيجون . و**** قررت انها تتلبس في بيت ريم عشان مره وحده يروحون ويا بعض لان كل اغراضها كانت وياها وراحت **** والتلبست وكان لبسها اللون الاحمراللي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .

أما فهد اخو ريم اللي ياي من السفر كان يبي يسوي مفاجأه لاخته ريم بقدمومه وكان يدور عليها وما لقاها وقال اكيد هي بغرفتها وهو ما يعرف ان **** اللي بالغرفه وفجأه يوم دخل كانت **** صاده لصوب المنظره يوم فهد دخل
فهد تم يصارخ من الفرخه وقال : ريماااااااااااان مفاجأه
وصدت **** وشافت رجل غريب ما تعرفه وهي مستحيه ما تعرف شو تسوي لانها ما كانت متغطيه لا بالشيله ولا العبايه وفجأه سكتت ونزلت راسها وما تعرف شو تقول .
اما فهد فكانت بيده هديه ومن المفاجاه او من جمال **** الهديه طاحت من ايده تلقائيا من دون قصد وتم ساكت وهو يطالعها ويقول في خاطره ( انا أحلم ولا شو السالفه؟ من هذي هاي اكيد حووريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : ايييي مممممممممم اسمحيلي كنت ابي ابي ابي اختي ريم بس ما عرفت انج موجوده ؟
**** على طول خذت الشيله وتغطت وهي مستحيه وويها صدق محمر وترد برقه : لا عادي انا الغلطانه لاني ما بندت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واااااااااااااو شو هالجمال في حياتي ما شفت في جمالها .
وبعدين يت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وتمت تشوفه وتصااااارخ : فهههههههااااااااااااااااااد وتميت تصيح ويت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بروحي تخليت عني يا اخوي .وتمت تصيح
وطلعت **** من الغرفه تشوف شو سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تشرد عشان ما تحس بمعاناة خلاص يا فهد انسى امي وابوي راحو من كم سنه لين الحين محتاجنها
فهد ترك يد اخته وقال وهو حزين : اااااه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبالي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما **** فما قدرت تتحمل على طول دمعه نزلت بعيونها .
فهد حب يتغير السالفه : المهم ريماني انتي شو اخبارج .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف **** وتبتسم
وتقولها : **** تعالي اعرفج على اخوي .
**** منزله راسها ويت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي **** .
فهد وهو يشوف **** بنظرات : هلا والله ب**** تشرفت بمعرفة وحده حلوه مثلج .
**** استحت وما قالت شي غير : تسلم عيونك الاحلى .
**** استغربت من جرأته .
المهم بعد ما استأذنت ريم من اخوها انها بتروح للحفله مع **** .
اخوها فهد راح عند أصدقائه اللي من مده ما شافهم .
بس بخياله بس رسمه **** اللي صدق كان متخبل عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها اللي تعذب المخاليق ولا ملامحها اللي فيها براءه الاطفال ولا خدودها اللي كانها ورود ورديه كيف اوصفج يا **** كيف ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه مروان : الله عليك يا فهد شو هالكلام العذب شو اليوم ياي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي .