بسم الله الرحمن الرحيم
السلام عليكم ورحمة الله وبركاته...........
أخواني و أخواتي حبيت أشاركم بعض الأحداث إللي صارت لي عندنا في البيت (((بيت الرعب)))
هذا قبل 8 سنوات أول ماسكنت في غرفتي الطابق الثاني .كنت دائما أسمع حركة في الغرفة
لكن ماأشوف أحد , وأذا نمت ما أنام مثل الناس والعالم كنت دائما أصحى من النوم بسبب الأصوات
والحركة عندي. في يوم من الأيام كنت رايح أنام كانت الساعة 12 بالليل
المهم أنا رحت دورة المياه (وإنتوا بكرامة) وغسلت أنساني لين ماصارة بيضاء ناصعة
رحت على السرير عشان أنام
وتغطيت بالبطانية الناعمة الجديدة وكانت ديك الليلة باردة ... وأشوي شان أحس بحركة داخل الغرفة
ولا أشوف إلا البطانية تنسحب مني ؟؟؟؟
شان أمسكها وأرجعها وأتغطى
ومرة ثانية إنسحبت مني
شان أصير قوي وأرجعها
والمرة الثالثة تنسحب مني (وكان السحب على خفيف طبعا)
وشان أنا بعد أرجعها وأتغطى
ولكن المرة الرابعة بصراحة ماتحركت ولا حركة لين جات الصبح
البطانية مانسحب بس (((طارت من علي ولا شفتها )))
وفي هذه اللحظة نمت بهدوء ولا صحيت إلا الصبح
......وأدور على البطانية وأشوفها تحت السرير
وطبعا صارلي شهر كامل مانمت عدل بسبب الأشياء ةالحركات إللي تصير لي وهذي طبعا وحدة منهم
وأحسن نومة صارت لي في هذا الشهر
.....ويعدين خلاص الموضوع خف وأنا تعودت
والحادثة الثانية: كنا تونا مشترين كاميرا وفرحانين فيها ....المهم أختي كانت تصور فيها وتجربها
في نصف الليل وكانت بعد في شقتي تصور بالوضع الليلي ومطفية الأنوار كالها ..... وأثناء التصورير
العشوائي ماشافت إلا شي كان مثل الورق عابر قدامها ... شافتة بالكاميرا ولكن ماشافته بالعين
والشي الجميل إنها كانت تسجل وأنا شفت التسجيل وعلامات التعجب والإستفهام على وجهي
ولكن للأسف أبوي سجل عليه
والحادثة الثالثة: هذي المرة أنا الجني أهلي يشوفوني فوق وينزلون يشوفوني تحت (هذي صارت مرتين)
المرة الأولى : أختي راحت المطبخ إللي عندنا فوق وكنت انا ماخذ ثنين كورن فليكس من الحجم الصغير
المهم وشافتني جالس آكل واحد منهم ((هي قالت عادي samurai قاعد ياكل))
تكلمت معاي شوي طلعت من المطبخ ونزلت تحت ............. شوي إلا أنا داخل البيت جاي من الخارج هي شافتني وأستغربت
وجات وراي ودخلت معاي المطبخ وشان أنا آخذ الكورن فلكس الثاني ..... ولا أسمع إلا ديك الصرخة
إنت توك ماكل واحد والحين بتاكل الثاني خليه هذا حقي
قلت لها أنا مااكلت توني جاي من برى (الخارج)
قالت أنا شفتك وإنت تاكل حتى إني تكلمت معاك
قلت لها متى ؟؟؟ قالت الساعة الفلانية لما أنا جيت لك وإنت تاكل وقلت لك كذا.....كذا
قلت أنا في ذاك الوقت كنت برى البيت ولا كنت موجود
ولا أشوف إلا ألوانها تتغير من الخوف وأنا عرفت الموضوع وقلت لها خلاص صار خير
وقالت هذا يعني مو إنت قلت لها لا مو أنا وقلت لها بالقصص إللي صارت لي وبعدين صار الموضوع عادي
والمرة الثانية : مع أخوي إللي أصغر مني ....... كنت أنا وإبوي نشتغل في تصليح السخان حق الماي
والسخان كان معلق في مستراح وقريب من النافدة حق أخواني .. وكان أخوي يعني يقدر يفتح النافدة
ويكلمنى عادي ....
المهم أنا نزلت من فوق وبعدين أخوي جاء وتكلم مع أبوي وطول معاه شوي ... وطلب أبوي منه يجيب سكين
أخوي قال إنشاءالله ...... سكر النافدة وتوجه عند باب الغرفة ... إلا وأنا في وجهة شافني وتغيرت ألوانه
وقال لي كيييييف؟
كيف وصلت؟
ويش هذي السرعة؟
المفروض مايمديك تجي !!!!
على الأقل تاخذ 5 دقائق عشان تنزل من برى وتوصل فوق وإنت أخذت تقريبا 10 ثواني كيييييييف؟؟؟؟؟
(صار يهلوس الرجال)
قلت إنت صاحي
؟؟؟ ويش فيك ؟؟ أنا نزلت من زمان من 10 دقايق تقريبا
قال : والله انا الحين كنت أتكلم مع أبوي وأنت واقف وياه
أنا أطالع فيك وأنت تتطالعني وظلينا فتره وأحنا نطالع في بعض ولما سكرت النافدة وطلعت من الغرفة
أشوفك قدامي يهذي السرعة
أنا لما سمعت كلامه مت من الضحك
طبعا هذي صارت في الثامن من محرم 1429 هــ
والحين كل ماأمر عند أخوي أطالع فيه وأضحك
أنا من كثر ماصارت لي المواقف صرت ماأخاف في البيت ...أي شي يصير صار عندي عادي
لأن الأشياء إللي تصير أحسها مكررة وتعودت
وعرفت بعد أنا الجن إللي عندنا صالحين يعني مافي خوف
وسلامتكم
15-03-2008, 12:28 
أحداث غريبة صارت في بيتنا 
